ÁLGGAHANVAHKKU OKTASAŠ PROGRÁMMA O A H P P O J A H K I 2 0 2 0 / 2 0 2 1 VAHKKU 35, 24 B. - 31 B. BORGEMÁNUS Oktasaš prográmma Sámi allaskuvlla doaluiguin mat gullet Álggahanvahkkui. Fuom! Du oahpus sáhttá leat fágaoahpahus seammá vahkku. Čuovo iežat oahpu plána. Hánnoluohkká 45, Diehtosiida NO-9520 Guovdageaidnu + 47 78 44 84 00 OAHPPOHÁLDDAHUS
ÁLGGAHANVAHKKU PROGRÁMMA 1. BEAIVI Mánnodaga 24. b. borgemánus BURES BOAHTIN JA DIEHTOJUOHKIN Dii. 09:00-11:00, Sáhkaskáiddis Rektor sávvá bures boahtima, ja oahppohálddahus doallá diehtojuohkima studeanttaide, earret eará korona (COVID-19) njoammuneasttadeami birra. Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui Dáhpáhusaid vuollái. Dása gánnáha searvat go leat ollu praktihkalaš dieđut mat bohtet ávkin maŋŋel. OAHPISTEAPMI DIEHTOSIIDDAS Dii. 11:00-11:30, Diehtosiiddas Das lea vejolašvuohta oažžut oahpisteami Diehtosiidda vistái dii. 11.00 Dása lassin lea oahppohálddahusas stánda gos sáhtát jearrat veahki. 2 BEAVI MINGELEAHKET Dii. 17:00, Diehtosiidda kantiinnas Studeantastivra lágida mingeleahkeda kantiinnas buot studeanttaide. Guossohuvvo pizza. Lágiduvvojit oahpásnuvvanstohkosat maid sáhttá maid neahta bokte čuovvut. Liŋkka álmmuhuvvo ruovttusiidui Dáhpáhusaid vuollái. Eanet dieđut bohtet.
2. BEAIVI Disdaga, 25. b borgemánus LOAHPAHANDOALUT JA KONSEARTA Dii. 12:00-14:00, Sáhkaskáiddis Sámi allaskuvllas gárvejedje olu studeanttat grádaid 2019-2020 oahppojagi. Korona dilálašvuođa geažil maŋideimmet loahpahandoaluid čakčii. Disdaga juohkit kandidáhtaide diplomaid ja herskkostallat gáhkuin. Bovdehus sáddejuvvo kandidáhtaide. Maŋŋel sáhkavuoruid doallá Emil ja Lávre konsearta. EMIL JA LÁVRE Emil Karlsen (22) ja Lávre Johan Eira (19) lea ođđa musikálalaš ovttasbargu Sámis. Soai leaba dál bargamin skearruin mii govahallá niehkomáilmmi doložis ja dálá áiggis. Máŋgasat dovdet Karlsena lávlun Resirkulert-joavkkus. 2019:s nammaduvvui Karlsen Riddu Riđđu nuorra dáiddárin. Maŋimuš jagi lea Karlsen earet eará tulkon Áillohaš-rohkki lávlagiid ja lea čiekŋudan luohtái, ja erenomážit mearrasámi luohteárbevirrui. Lávre Johan Eira (19) lea Guovdageainnus eret ja lea beaggán iežas musihkain maŋimuš jagi. Diibmá son čuojahii Guovdageainnu Beassášmárkanin eará nuorra sámi artisttaiguin. Lávre almmustahtii šuoŋa Beaivenieida 2019:s. Fuom! Korona dilálašvuođa dihte fertet mii lágidit doaluid struktuvrralaččat, ja danne lea dehálaš ahte vástidat searvvat go don ja du lagamusat Loahpahandoaluide. Mii eat sáhtte dáhkidit ahte beasat searvat doaluide jus it leat dieđihan. Vástidanáigemearri lea 20.08.2020. Jus eará studeanttat háliidit geahččat konseartta, de sii fertejit maiddái dieđihit. Konsearta čájehuvvo eará lanjas neahttaoktavuođa bokte. Eanet dieđut bohtet ruovttusiidui "Dáhpáhusaid" vuollái. OLGOBEAIVI Dii. 17.00, Diehtosiidda olggobealde Studeantastivra lágida olgobeaivvi. Dolastallan, gáfestallan ja stohkosat nugo njoarosteapmi lea oassin das maid beasat vásihit eará studeanttaiguin ovttas. Studeantastivra guossoha gáfe ja biebmu. Bearaš ja mánát leat maid bures boahtin.
3. BEAIVI Gaskavahkku 26. b. borgemánus, ALMMOLAŠ RAHPANDOALUT JA ARVVAS KONSEARTA Dii. 10:00-13:00, Diehtosiidda olggobealde Sámi allaskuvla rahppo almmolaččat. Mii ávvudit sáhkavuoruiguin, dearvvuođaiguin ja guoimmuhemiin Sámi allaskuvlla amfi:s olgun. Guossohuvvo lunša. Konsearta lágiduvvo ovttas Sámi musihkkafestiválain. Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui Dáhpáhusaid vuollái. ARVVAS Arvvas lea musihkkaovttasbargu gaskal juoigi Sara Marielle Gaup Beaska ja bassista ja lávlu Steinar Raknes. Sudno musihkas gullo jazz, luohti ja americana. Sara Marielle lea dovddus das go lea seaguhan boares juoiganvuogi ja ođđaáigásaš musihka ja Steinar Raknes lea okta Norgga čeahpimus jazzbassistta, lávlu ja lávllačálli. Fuom! Korona dilálašvuođa dihte fertet mii lágidit doaluid struktuvrralaččat, ja danne lea dehálaš ahte vástidat searvvat go don Almmolaš rahpandoaluide. Mii eat sáhte dáhkidit ahte beasat searvat doaluide jus it leat dieđihan. Vástidanáigemearri lea 20.08.2020. Dán jagi lea nu ahte studeanttat geat leat leamaš riikkain maid Norgga ráđđehus lea merken ruksesriikan, sii galget 10 beaivvi erremii go bohtet Norgii. Jus omd. háldiidat searvat oahppojagi almmolaš rahpamii 26.08, de fertet leat Norggas maŋemusat 15.08.2020 STUDEANTTAIDE OLGOAKTIVITEHTA Dii. 17.00- Studeantastivra lágida olgoaktivitehta studeanttaide. Eanet dieđut bohtet. Ahkemearri: 18 jagi.
OAHPPOJAHKI 2020/2021 4. BEAIVI Duorastaga 27. b. borgemánus KINOEAHKET Dii. 18:30, Sáhkáskáiddis Mii čájehit filmmaid duorastateahkeda. Mii ávžžuhit ahte boađat buori áiggis. Njoammuneastadeami dihte čallit mii buohkaid namaid ja telefonnummara geat bohtet kinoeahkedii. Dat lea nuvttá buohkaide. Čuovo sosiála mediain Sámi allaskuvlla siidduid. Doppe lávejit maid dieđut almmuhuvvot omd. lágidemiid birra @Sámi allaskuvlla studeanttat (FB-joavku) @Sámi allaskuvla @Sámi allaskuvla @Sis-Finnmárkku studeanttaid ovttastus SS0
ÁLGGAHANVAHKU PROGRÁMMA 5. BEAIVI Bearjadaga, 28. b. borgemánus OAHPPOTEKNIHKKA KURSA Dii. 09:00-10:30, Sáhkaskáiddis Movt birget studeantan buoremusat? Oahpa movt šaddat eanet doaimmalaš go galggat studeret ja searvva oahppoteknihkka kursii. Jus háliidat olahit buori bohtosiid olles studerenáigodagas, dalle gánnáha searvat dán kursii. Sáhtát maiddái searvat ZOOM neahttaoktavuođa bokte. Liŋkka álmmuhuvvo ruovttusiidui Dáhpáhusaid vuollái. STUDEANTTAEAHKET Dii. 20:00 Bearjadat eahkedá deaivvadit studeanttat. Dat lea buorre vejolašvuohta oahpásnuvvat mielstudeanttaide. Aktivitehtat ja suohtastallamat lágiduvvojit. Eanet dieđut almmuhuvvot min ruovttusiidui, nugo gos dat lágiduvvo. Ahkemearri: 18 jagi. Fuom! Prográmmii sáhttet boahtit rievdadusat njoammuneastadeami dihte dahje eará dilálašvuođa geažil mat gáržžidit fysalaš deaivvademiid.
DIEHTOSIIDDA LÁTNJAKARTÁ
DEHÁLAŠ DIEĐUT Dát šaddá veahá earalágan oahppojahki Korona-dilálašvuođa dihte, ja mii heivehit oahpahusa nu ahte našunála njoammuneastadannjuolggadusat čuvvojuvvojit. OAHPPOJAGI ÁLGIN Oahppojagi álgin lea Diehtosiiddas. Ođđa oahppojagi álggaheapmi čađahuvvo fysalaččat Diehtosiiddas borgemánu 24. beaivvi rájes. OAHPAHUS Sámi allaskuvla čađaha eanas doaimmaid fysalaččat Diehtosiiddas 35. vahku rájes. Oahpahus čađahuvvo nu go lea oahppoplánaide biddjojuvvon. NJOAMMUN- EASTTADEAPMI Sámi allaskuvla dárkkista geažos áiggi gustovaš njoammuneastadan njuolggadusaid vai lágideamit sáhttet čađahuvvot oadjebas lági mielde. Eambbo dieđut gávdnojit koronavirus čuoggá vuolde min neahttasiiddus. DIGITÁLA LÁGIDEAMIT Čujuhusat biddjojuvvojit "Dáhpáhusaid" vuollái neahttasiiddus.
DEHÁLEAMOS NJOAMMUNEASTANDOAIMMAT MÁID BUOHKAT GALGET ČUOVVUT, LEAT: 01 Buohcan ja erren Jus leat buohcci dahje illáveaje, de galggat orrut ruovttus. Jus leat erremis, de it galgga boahtit Diehtosiidii. 02 Ráinnasvuohta Basa gieđaid dávjá loika sáibočázis. Jus ii leat čáhci, geavat giehtasprihta. Gastit ja gossat galgá njunnebáhpira sisa máid bálkestat, dahje jus ii leat bábir, de giehtagávvii. Basa gieđaid ovdal go guoskkahat ámadaju ja ovdal go boradat. 03 Doalat gaskka eará olbmuide Doalat unnimusat mehtera gaskka nuppi olbmui juohke sajis. 04 Doaibmabijut iešguđet doaluide Muhtin doaluin sáhttet leat sierra doaibmabijut. Daid galget sii geaidda guoská čuovvut. DEHÁLAŠ DIEĐUT Dilli sáhttá fáhkkestaga rievdat, ja nu maiddái doaibmabijut. Dan birra dieđihit neahttasiiddus koronadieđuid vuolde. Neahttasiiddu čujuhus lea www.samas.no.
BURES BOAHTIN SÁMI ALLASKUVLII OAHPPOHÁLDDAHUSA BÁLVALANÁIGGIT: Mannodat Disdat Gaskavahkku Duorastat Bearjadat 09:00-14:00 09:00-14:00 GITTA 09:00-14:00 09:00-11:00 ja 12:00-14:00 E-poastta čujuhus: oahppohalddahus@samiskhs.no