SÁMI BÁIKENAMMADUTKAN

Átírás

1 OAHPPOPLÁNA SÁM 306 SÁMI BÁIKENAMMADUTKAN 10 oahppočuoggá Dutkan- ja oahppostivra dohkkehan , áššis 45/16, Public áššenr. 16/ Rievdadusat dohkkehuvvon mearrádusnotáhtain , Public áššenr. 18/00215.

2 1. OAHPPOOVTTADAGA NAMMA Sámegillii: Sámi báikenammadutkan Dárogillii: Samisk navnegransking Eaŋgalasgillii: Sámi place name studies 2. OPPALAŠ DIEĐUT OAHPU BIRRA OAHPPOVTTADAGA KODA: SÁM 306 VIIDODAT: 10 oahppočuoggá OAHPU LÁGIDEAPMI: Ohppui gullet logaldallamat, hárjehusat ja studeanttaid barggut. Oahpahus sáhttá lágiduvvot sihke luohkkálatnja- ja neahttaoahpahussan. 3. OAHPPOPROGRÁMMA GULLEVAŠVUOHTA Gursa gullá Sámegiela ja sámi girjjálašvuođa masterprográmma fága- dahje váljagurssaide. 4. SISABEASSANGÁIBÁDUSAT Sisabeassangáibádussan leat Sámegiela ja sámi girjjálašvuođa masterprográmma oppalaš sisabeassangáibádusat mat leat čilgejuvvon oahppoprográmmaplánas. 5. OAHPAHUSGIELLA Davvisámegiella lea váldooahpahusgiellan. Eará sámegielat ja suoma-, ruoŧa-, dáro- ja eaŋgalsgiella sáhttet adnojuvvot omd. guosselogaldallamiin. 6. SISDOALLU Gurssas guorahallojuvvojit báikenammafága teorehtalaš suorggit erenoamážit sámi nammadutkama geahččanguovllus vai studeanta oahppá dovdat toponomastihka váldoteoriijaid ja oahppá heivehit dáid sámi báikenammafágii. Gurssa sisdoallu huksejuvvo bacheloroahpu gielladieđalaš gurssaid ja erenoamážit SÁM 240 Láidehus sámi báikenammadutkamii -gurssa metodologalaš oahpu ala. Gurssas biddjo váldodeaddu oahpásnuvvat čuovvovaš teorehtalaš surggiide: typologalaš nammadutkan; etymologalaš nammadutkan; kontáktaonomastihkalaš dutkan; sosioonomastihkalaš dutkan; nammaduovdagiid ja nammapolitihka dutkan (politoonomastihkalaš dutkan). 7. OAHPPANJOKSOSAT Oahpu maŋŋá studeanta lea olahan dáid oahppanjoksosiid: Máhttu ja diehtu: - dovdá báikenammadutkama gielladieđalaš teoriijaid váldolinnjáid - dovdá oppalaš nammafágalaš teoriijaid oktavuođaid sámi báikenammafágii - dovdá gielladieđalaš toponomastihka teoriijaid fágaidrasttideaddji oktavuođaid eará fágasurggiid teoriijaide 2

3 Gálggat: - máhttá heivehit ja ovttastahttit giellafágalaš máhtu nammadutkamuššii - máhttá heivehit nammafágalaš teoriijaid sámi báikenammaráju dutkamii - máhttá atnit ávkin fágaárbevieru ja fágalaš gálduid Oppalaš gelbbolašvuohta: - lea háhkan ipmárdusa toponomastihka gielladieđalaš teoriijain - lea háhkan máhtu mo toponomastihka teoriijat heivehuvvojit sámi báikenammadutkamii - máhttá hábmet ja čađahit iežas dutkanbargguid nammafágalaš metodihka ja teorehtalaš gáibádusaid mielde 8. OAHPAHAN- JA OAHPPANVUOGIT Logaldallamat, hárjehusat, studeanttaid čálalaš barggut ja bargoseminárat. 9. GÁIBÁDUSAT BEASSAT EKSÁMENII Gurssa áigge studeanta čállá guokte unnimustá 4-siidosaš čálalaš barggu lohkanmeari ja/dahje logaldallamiid vuođul. Barggut ovdanbuktojit bargoseminárain, ja studeanta galgá maiddái fágalaččat kommenteret unnimustá ovtta mielstudeantta barggu. Barggut árvvoštallojuvvojit dohkálažžan/ii dohkálažžan. Dat galget leat dohkkehuvvon ovdal go studeanta beassá eksámenii. 10. EKSÁMEN 2-vahkosaš čálalaš ruovttubargu báikenammateorehtalaš fáttás. Čállosa guhkkodat lea siiddu. Árvvoštallan: Árvosátni A F. 11. PRIVATISTTAID VEJOLAŠVUOHTA VÁLDIT GURSSA Privatisttat eai sáhte váldit dán gurssa, dasgo oahppan gáibida dan, ahte studeanta searvá oahpahussii. Geahča muđui U/A lága 3-8 (2). 12. KVALITEHTASIHKKARASTIN Čujuhuvvo Sámi allaskuvlla kvalitehtasihkkarastinvuogádahkii ja dasa makkár vejolašvuođat ja geatnegasvuođat studeanttain lea árvvoštallat Sámi allaskuvlla oahppofálaldagaid ja bálvalusaid kvalitehta. Studeanttat árvvoštallet oahpu evaluerenčoahkkimis ja sii devdet árvvoštallanskovi oahpu loahpahettiin. Ásahus árvvoštallá oahpu studeantaárvvoštallamiid, eksámenraporttaid, sensorraporttaid ja fágaraportta vuođul. 3

4 13. LOHKANMEARRI Lohkanmearri (s. 400 siiddu): Aikio, Ante 2007: The Study of Saami Substrate Toponyms in Finland. Borrowing Place Names in the Uralian Languages. Onomastica Uralica Maiddái: Aikio, Ante 2007: Etymological nativization of loanwords. Case study of Saami and Finnish. Saami Linguistics. Ida Toivonen & Diane Nelson (doaimm.). Amsterdam: John Benjamins Ainiala, Terhi 2016: Names in society. The Oxford Handbook of Names and Naming. Oxford: Oxford University Press Bergsland, Knut 1995: Om sydsamiske dialekter og stedsnavn. Fragment av samisk historie Eichler, Ernst 1980: Grundfragen der toponymischen Integration. Ortnamn och språkkontakt. NORNA-rapporter 17. Uppsala Harley, J. B. 2001: The New Nature of Maps. Essays in the History of Cartography. Baltimore: The John Hopkins University Press. (válljejuvvon oasit) Helander, Kaisa Rautio 2008: Namat dan nammii. Sámi báikenamaid dáruiduhttin Várjjaga guovllus Norgga uniovdnaáiggi loahpas. Dieđut 1/2008. Guovdageaidnu: Sámi allaskuvla. (válljejuvvon oasit) Helander, Kaisa Rautio 2015: Sámi báikenamat ja nammahálddašeapmi giellapolitihka oassin. Symposia ávvučála. Nostalgiija, naga ja eará gielalaš ja kultuvrralaš fenomenat. Dieđut 2/2015. Guovdageaidnu: Sámi allaskuvla Helander, Kaisa Rautio 2016: The Power of Administration in the Official Recognition of Indigenous Place Names in the Nordic Countries. Names and Naming. People, Places, Perceptions and Power. Guy Puzey & Laura Kostanski (doaimm.). Bristol: Multilingual Matters Marten, Heiko F. & Van Mensel, Luk & Gorter, Durk 2012: Studying Minority Languages in the Linguistic Landscape. Minority Languages in the Linguistic Landscape. Heiko F. Marten & Luk Van Mensel & Durk Gorter (doaimm.) Puzey, Guy 2016: Renaming as Counter-Hegemony: The Cases of Noreg and Padania. Names and Naming. People, Places, Perceptions and Power. Guy Puzey & Laura Kostanski (eds.). Bristol: Multilingual Matters Puzey, Guy 2016: Linguistic Landscapes. The Oxford Handbook of Names and Naming. Oxford: Oxford University Press Sandnes, Berit 2016: Names and language contact. The Oxford Handbook of Names and Naming. Oxford: Oxford University Press

5 Valtonen, Taarna 2014: Mielen laaksot. Neljän saamen kielen paikannimien rakenne, sanasto ja rinnakkaisnimet vähemmistö enemmistö -suhteiden kuvastajina. Suomalais-Ugrilaisen Seuran Toimituksia 271, Helsinki/ Giellagas-instituutin julkaisusarja 15, Oulu. (válljejuvvon oasit) Van Langendonck, Willy 2007: Theory and Typology of Proper Names. Berlin: Mouton de Gruyter. (válljejuvvon oasit) Zilliacus, Kurt 2002: Forska i namn. Svenska litteratursällskapet i Finland. (válljejuvvon oasit) vállje lohkanmeari nuppi oasi, sullii 200 siiddu, ovttasráđiid fágaoahpaheddjiin studeantta fágalaš fáddáválljema vuođul. 5