borgemánu 24. beaivvi 2017 Dan jagi bivdoearri lea guokte rievssaha beaivái juohke bivdi várás. Guokte girona, nugo dá, dahje okta rievssat ja okta giron. Govva: Emil Halvorsrud FeFo mudde rievssatbivddu garrasit Unnán rievssahat unnán rávislottiid ja heajos monnema geažil lea rievssatnáli dilli Finnmárkkus. FeFo álggaha garraseamos bivdomuddemiid mat goassege leat leamaš. «Mii bivdit bivdiid geahččalit seastit rávislottiid dan čavčča. Divtte eaŋkalottiid ja báraid girdit viidáseappot, ja báže stuorát bessošiid», lohká meahci jođiheaddji, Einar J. Asbjørnsen.
Eahpelihkostuvvan monnen Dan vahku lei dan jagi rievssatlohkan Finnmárkkus gárvvis. Sullii 400 kilomehtera linjjá lea lohkkojuvvon áigodagas borgemánu 5.beaivvi borgemánu 20. beaivvi. Leat báikkálaš erohusat, muhto obba lohkái lea Finnmárkku rievssatlohku unni. Orru buohkanassii nu ahte lea rievssahiid monnen lea eahpelihkostuvvan, ja lea dan jagi vuolemus 2012 rájes. meahccehálddašeaddji Christina Bjørkli ja meahci jođiheaddji Einar J. Asbjørnsen ávžžuhit bivdiid leat mearálaččat. govva: Eirik Palm «2012:is lei mis seamma heajos čivgan go oaidnit dan jagi. Fertet dattetge máhccat jahkái 2010 gávdnat seamma dahje heajut hivvodatdásiid go mat leat registrerejuvvon lohkamiin dan jagi. Dat maid mii oaidnit dan jagi lea dan maid sáhttá lohkat albma bodnejahkin dárogillii, muhto lea dábálaš ahte rievssahiid hivvodagas leat dakkár molsašumit diehtit mii» joatká Asbjørnsen. Váilot hivvodatlogut Oarje-Finnmárkku sulluide, muhto doppe lea leamaš molsašuddi monnen. «Lea váttis leat dadjat áibbas nannosit mii lea sivvan niedjamii, muhto unnán máddolottit ovttas unnán smávvaciebaniiguin ja maŋŋit giđđa olu muohttagiin leat bealit mat sáhttet leat váikkuhan negatiivvalaččat nállái», lohká meahccehálddašeaddji Christina Bjørkli. Leat viidáseappot áican unnán rievssahiid ja vuovdelottiid Báhčaveajis ja Kárášjoga gielddas, ja monnen lea eahpesihkkar doppe. 2017-bivddu mudden Lohkan čájeha hui vuollegis rievssathivvodagaid Finnmárkkus. Meroštallon hivvodat lea njeallje rievssaha juohke kvadráhtakilomehteris dan ektui go ledje guhtta ja 18 2016:s ja 2015:s.
Norsk institutt for naturforvaltning (NINA) lea guorahallan dan jagi bohtosiid ja dat lea leamaš ovttasbargu servviiguin NJFF Finnmark, Sámi bivdo- ja meahcástansearvi ja Vest-Finnmark fuglehundklubb árvvoštallat daid. «Bodnejagi lea sávahahtti ávkkástallat unna oasáža nális, sihkkarastin dihte nu stuora čivgiloddelogu maŋit jagi», lohká Bjørkli. Konklušuvdna lea čuovvovaš muddemat Finnmárkkuopmodagas: Beaiveearri mas lea okta rievssat ja okta giron, dahje guokte girona. Beaiveearri gusto olles Finnmárkkuopmodagas, earret Báhčaveajis ja Kárášjoga gielddas. Pasvik (SVA9, SVA10,SVA11 og SVA12) okta vuoncáloddi juohke beaivvi. Kárášjoga gielddas: Guokte meahci vuoncálotti main lea okta vuovdeloddi ja/dahje okta rievssat juohke bivdi várás juohke beaivvi. Oaniduvvon bivdináigi Sállanis, Gádde-Iččáin, Fávle- Iččáin, Hjelmsøyas (Jealmmeseajus) ja Muosáhis čakčamánu 10. beaivvi gitta juovlamánu 23. beaivái. Dasa lassin muddejuvvo iešguhtetge bivdoguovlluid beaivválaš bivdilohku. Viidáseappot unniduvvo iešguhtetge bivdoguovlluid galledeaddji bivdiid lohku beliin. Guovdageainnu gielddas unniduvvo galledeaddji bivdiid lohku bohccuid čakčaguohtunguovlluin. Garra muddemat «Obbalaš ráfáiduhttin namuhuvvo dávjá doaibmabidjun heajos rievssatjagiid. Geahččaleamit ráfáiduhttit heajos jagiid, earret eará dahkkon Jämtlánddas birrasiid 2010:s, eai čájet dattetge ahte dakkár guovlluin badjána rievssatlohku eambbo go eará sajiin nuppe jagi. Dat nanne ahte rievssaha hivvodatdynamihkka lea
máŋggadáfot ja ahte leat eanet bealit go bivdiid bissut mat stivrejit hivvodatovdáneami», dadjá Einar Asbjørnsen. Mearriduvvon muddemat leat garrasepmosat FeFo historjjás. Bivdit geat leat oasttán bivdokoartta Finnmárkui, ožžot ruđa maŋás jus háliidit, muhto ii ovdal go bivdu álgá čakčamánu 10. beaivvi. Giron ii lohkkojuvvo seamma láhkái go rievssat ja vuovdelottit, ja FeFo:s eai leat danne guđegelágan hivvodatmeroštallamat gironii Finnmárkkus. Girona monnemis leat dábálaččat unnit erohusat jagis jahkái go rievssahis, muhto lea jáhkehahtti ahte dat maŋŋi geassi lea váikkuhan negatiivvalaččat monnemii. Oktasaš vuohki miehtá riikka FeFo ovttasbargá juohke jagi servviiguin NJFF Finnmark, Sámi bivdo- ja meahcástansearvi og Vest-Finnmark fuglehundklubb čađahit rievssatlohkamiid. Lohkamat dahkkojit seamma linjjáid mielde, ja dahká vejolažžan árvvoštallat meahci vuoncánáliid hivvodaga guovllus. Dat addá gova man ollu rievssahat ja vuovdelottit gávdnojit eanadagas, ja lea deaŧalaš oassi Finnmárkku meahci vuoncánáliid hivvodaga ceavzilis hálddašeamis. NINA analysere bohtosiid, ja lea daid lohkamiid vuođul ahte muddemat leat mearriduvvon. Vuohki lea seamma miehtá riikka. 2017:s lea sullii 400 kilomehter linnjá. KONTAKTPERSON / GULAHALLANOLMMOŠ: Christina Bjørkli, meahccehálddašeaddji tlf. 468 44 960 Einar J. Asbjørnsen, meahci jođiheaddji tlf. 482 04 187
Čuovo min