GIRONA GIELDDA DIEHTOJUOHKIN
Go dárbbaha veahki ja doarjaga Soaitá mearkkašit stuora lávkki ja stuora rievdama fuobmát ahte ii šat bastte buot masa lea hárjánan. Olmmoš dárbbaha sierralágan doarjaga birget árgabeaivvis, soaitá muhtumin leahkit gaskaboddosaš dehe muhtumin eanet guhkes áigásaš.. Sosiálabálvalus namuha golbma barggu sosiála ruovttubálvalussii. Go olmmoš ii buozanvuođa, doaibmahehttejumi dehe ahkerievdama ahkerievdama dihte ii šat birge iežas eallinvuogi sus lea riekti veahkkái vai bastá orrut vel ruovttus dehe dikšun- ja fuolahanorohagas. Das gii oažžu veahki lea ain vástu alddis ja iežas dilis. Ulbmil vehkiin lea nannet eavttuid eallit iešmearrideaddji eallima. Dat mearkkaša ahte veahkki, nu guhkás go hábmejuvvo veahkkin iešveahkkái. Ulbmil dárboárvvoštallamiin lea ahte sosiálahálddahusa veahkkegieđahalli ja veahkkeohcci ovttas galgaba dutkat ja plánet dárbbu mii lea ja hábmet veahki ulbmila. Veahkkegieđahalli váldá mearrádusa virgeolbmávástu vuođul. Jus eai soabat dárbbus ja ulbmilis, das gii ohcá veahki riekti váidalit mearrádusa Hálddahusriektái. Ohccis lea riekti oažžut veahki váidalusa hábmemis. Ná dat dáhpáhuvvá Du riekti veahkkái muddejuvvo Sosiálabálvaluslágas ja gohčoduvvo veahkkin. Min ulbmil lea dahkat dárkilis dutkamiid mii ja gii galgá bastit fuolahit du dárbbuin. Vai bastá mearridit leago dus riekti veahkkái gieldda veahkkegieđahalli dahká persovnnalaš dutkama. Mii dahkat maid du resurssaid árvvoštallama. Masa basttát ieš. Mii geahččat maid resurssaid mat leat du birrasis. Du dárbbuid soaitá sáhttit čoavdit eará ládje, du veahka, eará oapmahaččat, lahka olbmot, rátnát, ustibat leat buohkat divrras resurssat geat soitet bastit veahkehit. Veahkki sáhttá vuolgit dán hámis Ruovttubálvalus: Ruovttubálvalus lea čohkkennamma sierra bijuide. Veahki viidodat sáhttá molsasit moatti diimmus mánus máŋgga
beaivválaš galledeapmái. Veahkki lea dehálaš dahkat vejolažžan ruovttosorroma. Veahkki sáhttá omd. leahkit čorgen-, bivttasdikšun- ja gávppašan veahkki, veahkeheapmi biebmodoalus ja persovnnalaš fuolaheamis. Dorvvolašvuođaalárbma: Dorvvolašvuođaalárbma lea veahkki mii lea olbmuide geat buohcuvuođa dehe doaibmahehttejumi dihte sáhttet šaddat veahkedillái, omd. alla jorralanriskka dehe dorvvohisvuohta. Eaŋkilis bijuin dábálaš telefovdnafierbmái/mobiilafierbmái ja guoddin alárbmaboaluin don sáhtát oažžut aktavuođa bargiiguin jus šaddá fáhkka dilli go don dárbbahat veahki. Don válddát aktavuođa Veahkkegieđahallái go háliidat ohcat bijuid Sosiálabálvaluslága bakte dehe oažžut eanet dieđu makkár veahki ja makkár bálvalusaid sosiálahálddahus sáhttá fállat. Vai oaččut aktavuođa veahkkegieđahalliin riŋge 0980-756 56 Don sáhtát riŋget mánnodaga-bearjadaga 09.00-12.00 gaskkan sihke disdaga 13.00 14.00 gaskkan Čoahkkananbáiki Beaivedoaibma jorgasa olbmuide geat orrot dábálaš orohagas ja sis lea demeansaskibasvuohta. Vejolašvuođa beassat deike ferte álggos oažžut mearrádusa veahkkegieđahalli bakte. Doaibma lea Thulegatan 24 (Thulegården). Deaivvadanbáiki Beaivedoaimmas ii leat erenomáš ulbmiljoavku, buohkat leat buresboahtin. Sosiála stimulánsii ja sosiála ovttastallamii ruovttu olggobealde. Dat lea rabas ja doppe leat bargit mánnodagas bearjadahkii. Doaibma lea Thulegatan 24 (Thulegården). Lea vejolašvuohta gáfe oastimii.
Ruovttubuohccedikšun Gielddas lea vástu buot dearvvašvuođa- ja buohccedikšunbijuin ruovttus maid guovlludivššár, bargoterapevta ja buohccelášmmohalli dahket. Dat guoská: Olbmuid geat leat 18 jagi ja boarráseappot Nu plánejuvvon go plánekeahtes galledeami ruovttus sihke veajuiduhttima Veahkkeneavvo soahpamuša Orrunbirrasa heiveheami ja orohatheiveheapme duođaštusa Eanadiggi vástida dego ovdal doavtterbijuin ja eará spesiáladoaibmabijuin.dearvvasvuođaguovddážat ja fáktaguovddážat leat rabas dego dábálaččat ja váldet vuostá buhcciid galledeami ja dikšuma dihte. Dat geat dárbbahit dearvvasvuođa- ja buohccedivššu galget vuosttažin jorgasit iežaset dearvvasvuođaguovddážii. Go ii ieš dehe vehkiin olle dearvvasvuođaguovddážii sáhttá oažžut veahki ruovttus.. Aktavuođadieđut du buohccedikšunjovkui Luossavaara: guovlludivššár, 0980-756 34 Centrala: guovlludivššár, 0980-756 29 Raket: guovlludivššár, 0980-756 28 ja 0980-756 32 Berga: guovlludivššár, 0980-756 31 Triangel: guovlludivššár, 0980-706 84 Guovllubargoterapevta: 0980-756 36 dehe 0980-703 78 Guovllubuohccelášmmohalli: 0980-703 73 dehe 0980-755 28 Nuorta Gielddaoassi: Guovlludivššár: 0980-756 41 dehe 0980-756 37 Guovllubargoterapevta: 0980-756 95 Guovllubuohccelášmmohalli: 0980-701 02 Telefovdnaáigi árgabeivviid 08.00-09.00. Árgabeivviid dii.17.00 maŋŋel sihke basiid don riŋget 1177, buohccedikšunrávvagii.
Orohatheiveheapmi Don sáhtát ohcat orohatheivehanveahkkeruđa bistevaš doaimmaid heiveheapmái ja dievasmahttimii du orohaga aktavuhtii. Veahkkeruđa dárkkuhus lea addit olbmuide geain lea guhkesáigásaš dehe bistevaš doaibmahehttejupmi vejolašvuođa iešráđálaš eallimii iežas orohagas. Eaktun lea goit ahte doaibma lea dárbbašlaš vai orohat galgá leahkit vuogas doaibmahehttejuvvon olbmui. Orohatheivehangieđahalli sáhttá addit eanet dieđu orohatheivehanveahkkeruđas ja maid áššebáhpiriid ferte guođđit sisa. Tfn: 0980-756 56 Telefovdnaáigi mánnodaga-bearjadaga dii 09.00-12.00 sihke disdagaid dii 13.00-14.00 Oapmahašdoarjja Leago dus oapmahaš/lagašolmmoš gii dárbbaha du doarjaga? Dat soaitá leahkit bearašmiellahttu, fuolki, rátna dehe ustit. Don sáhtát jorgasit oapmahašdoarju beallái jus háliidat ráđiid, doarjaga dieđu, bagadallama dehe beare háliidat ságastit soames olggo beal olbmuin. Dat sáhttá dáhpáhuvvat Telefovnna bakte, ruovttus du luhtte dehe oapmahašdoarju lanjas. Buot das mii ságastuvvo ii giige oaččo diehtit dat gullo suollemasvuođa vuollái. Aktavuohta lea nuvttá. Don jorgasat dalle: Oapmahaškonsuleantta Viola Tiensuu beallái Telefovdna: 0980-756 62 E-poasta: vtie@kiruna.se
Maid dat máksá Bijuid haddi mii lea mieđihuvvon berrojuvvo gieldda fásta dávstta mielde. Jus dus leat jearaldagat mávssuin leat buresboahtin jorgasit min máksogieđahalli beallái. Tfn: 0980-703 80, 0980-705 97 dehe 0980-756 06 Guovlludivššára/bargoterapevtta/buohccelášmmohalli ruovttugalledeamis berrojuvvo mávssu jelgii. Dat ii guoskka ruovttubuohccedivššubuhcciid. Oskojuvvon olmmái Jus don skibasvuođa, doaibmahehttejumi dehe hedjonan dearvvasvuođa dihte dárbbahat veahki iežat rievtti gohcimii don sáhtát oažžut veahki Oskojuvvon olbmás. Ohcamuša Oskojuvvon olbmás don sáhtát dahkat ieš, lagaš oapmahaš, sosiálabálvalus, buohccedikšu dehe soamis eará gii lea du lahka. Oskojuvvon olbmá ii oaččo mearriduvvot oaiveolbmá oainnuhaga (dan gii dárbbaha Oskojuvvon olbmá) jus dearvvasvuođa dilli ii hehtte dan. Jus ii sáhte guođđit oainnu oskojuvvon olmmáivuođas dat ferte albmanit doavtterduođaštusas. Almmuhus Oskojuvvon olbmá dárbbus sáddejuvvo váldofuolaheaddjikantuvrii. Don sáhtát ieš evttohit soapmása gean anát heivvolažžan. Váldofuolaheaddjikantuvrra bargiid dutket dasto dárbbu. Jus ii leat iežas evttohus Oskojuvvon olbmás váldofuolaheaddji lávdegoddi evttoha vuogas olbmo dan bargui. Ohcamuš sáddejuvvo dasto diggegoddái mii mearrida dárbbahago Oskojuvvon olbmá. Eanet dieđuide váldde aktavuođa váldofuolaheaddjikantuvrii Tfn: 0980-796 21 Telefovdna- ja galledanáiggit: Má-ga dii 9.30 11.30 Duo dii 14.00 16.00. Bearjadaga dii 9.30-11.30 Epoasta: ofn@kiruna.se
Galledeapmi galledanáiggiid olggo bealde várrejuvvo Telefovnna dehe e- poastta bakte. Galledančujuhus: Stadshuset, Stadshustorget 1 Veahkki dikšun ja fuolahanorohaga hámis Girona gielddas lea odne 312 dikšun ja fuolahanorohaga. Orohagat leat daidda geat dárbbahit fuolaheami ja bálvalusa birra jándora. Sierra orohagat devdet sierra dárbbuid ja buot orohagain lea fálaldat buohccedivššáriidda, bargoterapevttaide ja buohccelášmmohalliide. Ohcamuš beassat sirdit dikšun- ja fuolahanorohahkii šaddá dávjá áigeguovdilin go dárbu bearráigehččui ja fuolaheapmái dehe gáibádusat dorvvolašvuođas ja sihkkarvuođas, árvvoštallo nu stuorehin ahte ii leat šat vejolaš orrut iežas ruovttus ruovttubálvalusa vehkiin. Dat geas lea doaivva ja dárbu sirdit dikšun- ja fuolahanorohahkii ferte ohcat dan veahkkegieđahallis. Váldde aktavuođa veahkkegieđahalliin eanet dieđu dihte ja mot ohcamuš dáhpáhuvvá. Muhtumin leat dihto doaivagat beassat sirdit dihtoorohahkii. Gieldda orohatbuohtalasti, gii juohká orohagaid, váldá vuhtii doaivagiid nu guhkás go vejolaš muhto go orohagaid jearadeapmi lea stuorit go fálaldat guoros orohagaid ferte juohkit vuosttažin fuolahandárbbu jelgii. Dat mearkkaša ahte doaivagat dihto orohahkii šaddet nuppi sadjái. Guoros orohagat juhkkojuvvo dan jelgii geas odne lea stuorimus dárbu fuolaheapmái ja bálvalussii, dasa fállojuvvo dikšun- ja fuolahanorohat. Dat lea oainnát áigeguovdilis fuolahandárbu, iige gii lea vuordán guhkimus, mii mearrida geasa guoros orohat fállojuvvo. Sirddidettiin olbmoš galget leat mielde persovnnalaš diŋggat dego iežas biktasat, dálkasat, dálkkaslistu ja hivssetartihkkalat. Buohkain geat orrot dikšun- ja fuolahanorohagas lea iežas láigosoahpamuš.
Girona gieldda otná dikšun- ja fuolahanorohaga Blomstergården Abrahamsvägen 9, Vittangi 24 orohaga juhkkojuvvon guovtti geardái Ängsgården Centralvägen 8, Vittangi 14 orohaga ovtta gearddis. Akta orohat mas guokte geahpidanbáikki Videgården Karesuando 10 orohaga ovtta gearddis ja akta geahpidanorohat Fjällgården Geologgatan 12 16 orohaga juhkkojuvvon guovtti geardái. Rosengården Thulegatan 21B 33 orohaga juhkkojuvvon guovtti geardái. Solbacken Thulegatan 29 (buohcceviesu aktavuođas) 36 orohaga juhkkojuvvon juhkkojuvvon guovtti geardái. Gläntan Glaciärvägen 8 A-D lea Minoriteahttaorohat sámi sihke suomagiela/meänkieli sárdnuide. 32 orohaga juhkkojuvvon guovtti geardái ja juhkkojuvvon njealji unnit ovttadahkii Mysinge Ljungplan 1A Gullojit golbma dálu, Mysinge Gård, Mysinge Backe ja Mysinge Strand. Buot golbma dálu leat gittalaga. Aktii buot leat 59 orohaga juhkkojuvvon golmma dállui. Movägen Movägen 28 A-J 99 orohaga juhkkojuvvon logi soadjái dohko cáhká maid oanehisáiggeorohat. Báiki oanehisáiggeorohahkii sáhttá mieđihuvvot dutnje geas lea stuora fuolahandárbu birra jándora mii jur dál ii sáhte fuolahuvvot ruovttus. Dat sáhttá guoskat ahte don dárbbahat eanet áiggi virkkosmuvvamii vai basttát máhcat ruoktot ja vuođđun veahkkegieđahallái joatkka dutkamii sihke geahpideapmái oapmahačča doarjumii gii dikšu lagamučča ruovttus.
Fievrridanbálvalus Fievrridanbálvalus lea oassi joavkotrafihkas dasa geas doaibmahehttejumi dihte leat stuora váttisvuođat sirdásit ja/dehe johtit almmolaš johtinaktavuođaiguin. Ohccis galgá leahkit doaibmahehttejupmi man rehkenasto bistit unnimus golbma mánu. Doaibmahehttejumi sturrodat mearrida leago dus riekti fievrridanbálvalussii. Fievrridanbálvalusa ii sáhte mieđihit dan sivas ahte almmolaš joavkotrafihka váilu. Dasa sáhttá mieđihuvvot gii dárbbaha veahki reaissu áigge láidesteaddji. Jus fievrridanbálvalusdutkama dárbbaha dievasmahttit medisiinnalaš árvalusain du gieđahalli bivdá du váldit aktavuođa divššuin. Fievrridanbálvalusgieđahalli RKM (Regionala Kollektiv Trafikmyndigheten Norrbotten) Tfn: 0926-752 77 Fievrridanbálvalusa diŋgon Tfn: 0926-756 77 Buohccereaissut Tfn: 020-96 00 96 Bisánanlohpi Girona gielda sáhttá dahkat sierra bisánanlobi dutnje geas lea lihkastathehttejupmi. Lihkastathehttejuvvon olbmui gii ii ieš vuoje fievrruin dahkko bisánanlohpi beare jus leat erenomáš ákkat. Dakkár ágga sáhttá leahkit ahte lihkastathehttejuvvon dárbbaha vuoddji veahki go lihkada olggo bealde fievrru. Lohpegeahččaleapmi vuođđuda práksisii mii lea váldon Ruoŧa gielddat ja Eanadiggi leat dahkan. Lohpeohcamuša dihte váldde aktavuođa Biras- ja biggenhálddahusa kantuvrii dehe Girona gieldda trafihkkainšenevrraiguin. Guđđojuvvon vuođustusat. bohtet gieđahallojuvvot Almmolašvuođa- ja Suollemasvuođalága rávvagiid jelgii.
Aktavuohta: Biras- ja biggenhálddahusa kantuvra tfn: 0980-701 40, dehe Trafihkkainšenevra tfn: 0980-707 29, 0980-704 40 dehe 0980-702 87 Don sáhtát oažžut veahki eaktodáhtolaš ja geavtiorganisašuvnnaiguin,searvegottiiguin sihke ja sáhtát jorgasit: Ealáhatorganisašuvnnaid, Demeansasearvvi, Ruoŧa Rukses Ruošša ja sierra lápmásiidservviid beallái. Dát barget sierra ládje oapmahaččaid doarjumiin Váldde aktavuođa guoskevaš organisašuvnnain/servviin Searvegottit Diakonat ja báhpat leat du váste gii dárbbahat soapmása geainna sárdnut. Váldde aktavuođa guoskevaš searvegottiin.