śrīḥ śrīmate nigamāntamahādeśikāya namaḥ śrīmān veṅkaṭanāthāryaḥ kavitārkikakesarī vedāntācāryavaryo me sannidhattāṃ sadā hṛdi This document has been prepared by Sunder Kidambi with the blessings of śrī raṅgarāmānujamahādeśikan His Holiness śrīmad āṇḍavan of śrīraṅgam This was typeset using L A TEX and the skt font.
śrīḥ śrīmate rāmānujāya namaḥ śriyaḥkāntāya kalyāṇa nidhaye nidhaye rthinām śrīveṅkaṭanivāsāya śrīnivāsāya maṅgal am śrī veṅkaṭācalādhīśaṃ śriyā dhyāsita vakṣasam śritacetanamandāraṃ śrīnivāsamahaṃ bhaje munaya ūcuḥ sūta sarvārtha tattvajña sarvavedāntapāraga yena cārādhitassadyaḥ śrīmadveṅkaṭanāyakaḥ 1 bhavatyabhīṣṭasarvārtha pradastadbrūhi no mune iti pṛṣṭastadā sūto dhyātvā svātmani tatkṣaṇāt 2 śrīsūta uvāca uvāca muniśārdūlān śrūyatāmiti vai muniḥ asti kiñcinmahadgopyaṃ bhagavatprītikārakam 3 purā śeṣeṇa kathitaṃ kapilāya mahātmane nāmnāmaṣṭaśataṃ puṇyaṃ pavitraṃ pāpanāśanam 4 ādāya hemapadmāni svarṇadī sambhavāni ca brahmā tu pūrvamabhyarcya śrīmadveṅkaṭanāyakam 5 aṣṭottaraśatairdivyairnāmabhirmuni pūjitaiḥ svābhīṣṭaṃ labdhavān brahmā sarvalokapitāmahaḥ 6 bhavadbhirapi padmaiśca samarcyastaiśca nāmabhiḥ teṣāṃ śeṣanagādhīśa mānasollāsa kāriṇām 7 nāmnāmaṣṭaśataṃ vakṣye veṅkaṭādrinivāsinaḥ āyurārogyadaṃ puṃsāṃ dhanadhānyasukhapradam 8 jñānapradaṃ viśeṣeṇa mahadaiśvaryakārakam arcayennāmabhirdivyairveṅkaṭeśapadāṅkitaiḥ 9 nāmnāmaṣṭaśatasyāsya ṛṣirbrahmā prakīrtitaḥ chando nuṣṭuptathā devo veṅkaṭeśa udāhṛtaḥ 10
nīlagokṣīrasambhūto bījamityucyate budhaiḥ śrīnivāsastathā śaktirhṛdayaṃ veṅkaṭādhipaḥ 11 viniyogastathābhīṣṭasiddhyarthe ca nigadyate oṃ namo veṅkaṭeśāya śeṣādrinilayāya ca 12 vṛṣadṛggocarāyātha viṣṇave satataṃ namaḥ sadañjanagirīśāya vṛṣādripataye namaḥ 13 meruputragirīśāya sarassvāmitaṭījuṣe kumārākalpasevyāya vajridṛgviṣayāya ca 14 suvarcalāsutanyasta saināpatyabharāya ca rāmāya padmanābhāya sadā vāyustutāya ca 15 tyaktavaikuṇṭhalokāya girikuñjavihāriṇe haricandanagotrendrasvāmine satataṃ namaḥ 16 śaṅkharājanyanetrābjaviṣayāya namo namaḥ vasūparicaratrātre kṛṣṇāya satataṃ namaḥ 17 abdhikanyāpariṣvaktavakṣase veṅkaṭāya ca sanakādimahāyogipūjitāya namo namaḥ 18 devajitpramukhānantadaityasaṅghapraṇāśine śvetadvīpavasanmuktapūjitāṅghriyugāya ca 19 śeṣaparvatarūpatvaprakāśanaparāya ca sānusthāpitatārkṣyāya tārkṣyācalanivāsine 20 māyāgūḍhavimānāya garuḍaskandhavāsine anantaśirase nityamanantākṣāya te namaḥ 21 anantacaraṇāyātha śrīśailanilayāya ca dāmodarāya te nityaṃ nīlameghanibhāya ca 22 brahmādidevadurdarśaviśvarūpāya te namaḥ vaikuṇṭhāgatasaddhemavimānāntargatāya ca 23 agastyābhyarcitāśeṣajanadṛggocarāya ca vāsudevāya haraye tīrthapañcakavāsine 24 www.prapatti.com 2 Sunder Kidambi
vāmadevapriyāyātha janakeṣṭapradāya ca mārkaṇḍeyamahātīrthajātapuṇyapradāya ca 25 vākpatibrahmadātre ca candralāvaṇyadāyine nārāyaṇanageśāya brahmakḷptotsavāya ca 26 śaṅkhacakravarānamralasatkaratalāya ca dravanmṛgamadāsaktavigrahāya namo namaḥ 27 keśavāya namo nityaṃ nityayauvanamūrtaye arthitārthapradātre ca viśvatīrthāghahāriṇe 28 tīrthasvāmisarassnātajanābhīṣṭapradāyine kumāradhārikāvāsaskandhābhīṣṭapradāya ca 29 jānudaghnasamudbhūtapotriṇe kūrmamūrtaye kinnaradvandvaśāpāntapradātre vibhave namaḥ 30 vaikhānasamuniśreṣṭha pūjitāya namo namaḥ siṃhācalanivāsāya śrīmannārāyaṇāya ca 31 sadbhaktanīlakaṇṭhārcyanṛsiṃhāya namo namaḥ kumudākṣagaṇa śreṣṭha saināpatyapradāya ca 32 durmedhaḥprāṇahartre ca śrīdharāya namo namaḥ kṣatriyāntakarāmāya matsyarūpāya te namaḥ 33 pāṇḍavāriprahartre ca śrīkarāya namo namaḥ upatyakāpradeśastha śaṅkaradhyātamūrtaye 34 rukmābjasarasīkūlalakṣmīkṛtatapasvine lasallakṣmīkarāmbhojadattakalhārakasraje 35 śālagrāmanivāsāya śukadṛggocarāya ca nārāyaṇārthitāśeṣajanadṛgviṣayāya ca 36 mṛgayārasikāyātha vṛṣabhāsurahāriṇe añjanāgotrapataye vṛṣabhācalavāsine 37 añjanāsutadātre ca mādhavīyāghahāriṇe priyaṅgupriyabhakṣāya śvetakolavarāya ca 38 www.prapatti.com 3 Sunder Kidambi
nīladhenupayodhārāsekadehodbhavāya ca śaṅkarapriyamitrāya col ca 39 aputrapriyāya sudharmiṇīsucaitanyapradātre madhughātine kṛṣṇākhyavipravedāntadeśikatvapradāya ca 40 varāhācalanāthāya balabhadrāya te namaḥ trivikramāya mahate hṛṣīkeśāya te namaḥ 41 acyutāya namo nityaṃ nīlādrinilayāya ca namaḥ kṣīrābdhināthāya vaikuṇṭhācalavāsine 42 mukundāya namo nityamanantāya namo namaḥ viriñcābhyarthitānīta saumyarūpāya te namaḥ 43 suvarṇamukharīsnāta manujābhīṣṭadāyine halāyudhajagattīrtha samastaphaladāyine 44 govindāya namo nityaṃ śrīnivāsāya te namaḥ aṣṭottaraśataṃ nāmnāṃ caturthyā namasānvitam 45 yaḥ paṭhecchṛṇuyānnityaṃ śraddhābhaktisamanvitaḥ tasya śrīveṅkaṭeśastu prasanno bhavati dhruvam 46 arcanāyāṃ viśeṣeṇa grāhyamaṣṭottaraṃ śatam veṅkaṭeśābhidheyairyo veṅkaṭādrinivāsinam 47 arcayennāmabhistasya phalaṃ muktirna saṃśayaḥ gopanīyamidaṃ stotraṃ sarveṣāṃ na prakāśayet 48 śraddhābhaktiyujāmeva dāpayennāmasaṅgraham iti śeṣeṇa kathitaṃ kapilāya mahātmane 49 kapilākhyamahāyogisakāśāttu mayā śrutam taduktaṃ bhavatāmadya sadyaḥ prītikaraṃ hareḥ 50 iti śrīveṅkaṭeśvara aṣṭottaraśatanāmastotraṃ saṃpūrṇam www.prapatti.com 4 Sunder Kidambi